ممكن مش كتير فينا بيحب المواضيع العلميه مش شغوف بيها يعني بس ده موضوع مهم بجد
انا بحب اتفرج علي قناه علميه بتجيب الاحداث المستقبليه والغرب بيحاول يعمل ايه عشان يحلها باساليبه وتقنياته المتقدمه
المهم يعني اتكلموا في برنامج عن ارتفاع درجه الحراره بكوكب الارض وان الكوكب درجه حرارته ثابته من قديم الازل ولكن استخدامات الانسان الصناعيه والنوويه سببت الانحباس الحراري الي معروف عندنا بموضوع الصوبه الزراعيه المهم كانوا بيفترضوا لو درجه الحراره ارتفعت درجتين او تلاته او اربعه او خمسه كل درجه وليها مشاكلها
درجه حراره الارض هترتفع مع مرور الزمن وفي خلال 20 سنه علي حد قولهم الدنيا هتبوظ كوارث بقي ومصايب
الاحتباس الحراري ده هيسبب تغير في درجه حراره البحار والبحار هيحصل ليها تفاعل وهتطلع ثاني اكسيد الكربون وهتزيد درجه حراره الارض ومع ارتفاع كل درجه هتحصل كوارث معينه فامثلا عند درجه معينه نهر النيل هيجف ومش هنلاقي حاجه نشربها وفي نهر في الهند كبير اوي هيجف باردوا وعند درجه تانيه هيحصل عواصف جامده جدا لو حد سمع عن عاصفه كاترين كانت مدمره جددددددا دي هتبقي جزء مبسط من المصايب الي هتحصل والبحر هيحصل في عواصف وهيحصل مد واسكندريه والمدن الساحليه هتغرق ونعوم بقي زي الي بنشفوهم في التلفزيونات وبراكين بقي وزلازل وجفاف واعاصير والشجر ماقلتلكوش علي الشجر هيقلب بفعل التغيرات ديه كلها هيحصله حاجات وهيطلع كربون ويتنفس اوكسجين زينا مما يساعد علي رفع درجه الحراره الشجر هو الي كان بيخلصنا من الكربون ودول هتختفي زي القاهره قريت ان القاهره هتختفي ربنا يستر
وكل ده هما بيحضروا للحاجات ديه واحنا مش نعرف اساسا بالموضوع ده نهائي ولا في دماغنا كفايه علينا مشاكل العيش كفايه
مش عارفه الموضوع هيعجبكوا ولا لاء بس انا كنت بفكر في الي هيحصلنا بلاقيه موضوع مهم لو فكرنا فيه بجد ويخوف جدا يارب اكون وصلتلكوا حاجه تفيدكوا وتعجبكوا
موضوع: موضوع علمي مهم وخطييييييييييييييييييير 
الأربعاء مارس 19, 2008 2:34 pm
