الموضوع هو يا جماعه الديانه هل احنا يا تري لو كنا مش اتولدنا مسلمين كنا هنفكر نبقي مسلمين ديه طبعا لو كان اهلينا غير كده
علي فكره انا مش بدخل في العقيده والدين وان الدين الاسلامي هو خاتم الاديان انا بسال بس
يعني مثلا لو لا قدر الله كنا مسحين كنا هيخطر ببالك انك تفكر اي دين صح ولاه كنت هتسكت ومش تفكر في ديه خالص لان اجدادك كده ومش انت يعني ال هتعدل الكون
بصراحه حاجه تحير اوى لان هما بردو عندهم ادله بيقنعوهم بيها اجدادهم واهليهم انهم هما الصح واحنا الغلط مش عارفه بس ديه رائي بس مش معني كده اننا معاهم انا ولاه مع ولاه ضد
تصورا مره سالت واحده زملتي هو انت ليه مش فكرتي تسملي وكنا علي فكره صغيرين قالت ايه
قالت ان الدين ديه مش زى الموضه كل ما يطلع حاجه لازم اغير لان ممكن تكون اصلا مش لايقه علينا
شوفتوا بقي بتشبه الدين بايه اصلا
مقارنه مش صح خالص بس بصراحه انا لاحظت ان ديه مش رائ بنت صغيره ديه حاجه حد محفظهالها
ميرسي