القرد المغروروالنملة الذكية
قرد مغرور شايف نفسة وفاكر نفسةاحسن من كل القرود عشان ربنا وهبة ذكاء ودهاء وعشان كدة كل الحيوانات بتخاف تتكلم معاه او تعمل معاة اى مشروع او اتفاق طبعا القرد اصبح وحيد من غير انيس ولا صاحب ولا صديق ولا جليس وطبعا جنة من غير ناس ماتنداس
وعشان كدة قرر القرد انة يتنازل عن غرورة شوية ويعمل شركة مع اى حيوان مهو مش معقول يعيش وحيد من غير محد يكلمة ولا يسلم علية ولايسال علية لما يتعب
وطبعا كانت المشكلة من هو الحيوان اللى يشاركة
ياترى يختار النمر ولا الاسد ولا الفيل ولاالحمار ولا يختار قردة من نفس نوعة
قرر القرد انة يختار النملة يمكن اختارها لانة افتكر انها مش ممكن ترفض صداقتة وهتقبل بكل شروطة وتتحمل نرجسيتة وتكبرة
ماعلينا
اول ما القرد شاف النملة جاية من بعيد قالها يانملة ياعفريتة ان عندى ليكى خبر هيفرحك ومش هتصدقى نفسك لما تعرفية
بصت لية النملة بكل كبرياء وقالت قول اية ياترى الخبر دا
قالها انا قررت اننا نكون اصحاب ومين عارف يمكن كمان نجوز فى يوم من الايام طبعا انا عارف ان الدنيا مش سعيكى وانك مش مصدقا نفسك بس هى دية الحقيقة انا فكرت فى كل الحيوانات اللى حولينا ولقيت انك الوحيد اللى تستهلى شرف صدقتى وشرف القرب منى.
ضحكت النملة ضحكة سخرية وقالت يا ايها القرد المغرور انا ارفض عرضك السخى لانك ياقرد ببساطة مش التيب بتاعى يعنى من الاخر مش فتى احلامى انا بتمنى اصاحب نملة زيى تحس بيا وتعرف انا بفكر فى اية قبل ما اتكلم تشركنى احزانى وافراحى وتكون عون ليا فى الدنيا وبعدين انت مغرور جدا وممكن يكون احساسك نحيتى مجرد نزوة
وانا نملة صحيح بس عندى كرامة وعندى قلب وعندى كمان احساس فيااستاذ قرد شوفلك قردة وصحبها وسبنى فى حالى
القرد قال لها انا عارف ان الخبر صدمك وان الكلام دا من ورا قلبك وانتى بتموتى فيا زي كل الحيوانات بس خجلك مخليكى مش قادرة تقولى اللى جواكى
وبعدين انا مش باخد رايك انا ببلغك بقرار من النهاردة احنا الاتنين مصيرنا واحد واصبحنا اصحاب
النملة استغربت من اصرار القرد وغرورة وعرفت ان القرد مش هيسبها فى حالها مهما عملت يعنى ممكن يضيقها ويهدم بيتها وياكل خزنها اللى تعبت فية هى واخواتها واقاربها طول السنة عشان كدة قررت انها تتظاهر بالموافقة الى ان تتاتى ساعة الهرب او الانتقام
وبدات النملة حياة جديدة مع شريك مغرور ومتكبر وكل يوم يمر عليهم يثبت لها انة كداب ولايطاق ومتعالى كل الكلام اللى قالة ليها عن اعجابة بيها وعن حبة بشكلها وكلامة عن جمالها كلة كدب فى كدب
فضلت النملة تدعى ربنا انة يخلصها من ظلم القرد لحد ماخلاص بقيت مش قادرة تستحمل اهانة اكتر
وفى يوم قررت النملة انها تتخلص من القرد المغرور واتفقت مع كل اصحابها انهم يهجموا على القرد وهو نايم وكل نملة تاكل منة حتة وبالفعل هجموا النمل بقيادة النملة الذكية على القرد وفى لحظات اصبح القرد فى عالم كان
صحيح الظلم وحش والاتحاد قوة يارتنا نتعلم من النملة اى حاجة
موضوع: القرد المغرور والنمله الذكيه 
الخميس مايو 08, 2008 6:58 am
